Muharrem Plaku ka mbetur i bllokuar në zonën D të minierës së Bulqizës që prej 15 shtatorit, ndërsa shpresat për ta gjetur gjallë sa vijnë e shuhen. Ndërkohë, ka ardhur edhe reagimi I parë nga Bashkia e Bulqizës, e cila prej ditësh ka qenë në heshtje.
Kryebashkiaku Lefter Alla është shprehur pafundëshit i shqetësuar për siuatën e kërkimeve për minatorin, ndërsa tha se jeta e secili prej qytetarëve vlen më shumë se gjithçka tjetër. Alla lutet që ekipet e kërkimit të arrijnë sa më parë tek Muharrem Plaku e ta nxjerrin atë shëndosh e mirë për ta kthyer te familja e për t’i dhënë fund ankthit që ka pushtuar të gjithë bashkëqytetarët
“I shqetësuar pafundësisht për situatën rreth kërkimeve të minatorit Muharrem Plaku.
Çdo punë dhe angazhim i yni është për të mirën e qytetarëve tanë, por jeta e secilit prej tyre, në qytet apo në fshat, kudo qoftë, vlen më shumë se gjithçka tjetër.
Lutem që ekipet e kërkimit të arrijnë sa më parë tek Muharremi dhe ta nxjerrin atë shëndoshë e mirë, ta bashkojnë me familjen e të afërmit e tij, dhe t’i japin fund shqetësimit dhe ankthit që ka pushtuar të gjithë bashkëqytetarët tanë, e jo vetëm”, shkruan Lefter Alla.
