Teksa policia zhvilloi kontrolle në shtëpinë e “mbretit të lojrave të fatit” Ervis Martinaj të hënën 26 dhjetor, u shtuan dyshimet se policia mund të ketë informacion se Martinaj është gjallë. Sipas ish-drejtuesit të policisë, Arben Hajdarmataj, kjo ishte një indicje e re që shkon drejt hipotezës që Ervis Martinaj është gjallë dhe ka inskenuar zhdukjen e tij.
Në “Euronews Albania”, Hajdarmataj se këto kontrolle mund edhe të vijnë si pasojë e një deskriptimi të ndonjë mesazhi që Ervisi iu ka dërguar familjarëve. Kujtojmë se Martinaj ishte mjaft i lidhur me familjen e tij dhe mbante komunikim të vazhdueshëm me ta. Madje edhe denoncimi në polici nga xhaxhai i Ervisit erdhi pasi ky i fundit kishte ndaluar komunikimin me ta.
“Nëse denoncimi i xhaxhait të tij është bërë më datën 8 dhe mesazhi është më datën 9 atëherë presupozohet se është inskenuar denoncimi i xhaxhait të tij. Sepse është një ditë më mbrapa. Kjo mund të jetë një indicie shumë e fortë të cilën hetuesit mund ta kenë marrë tani, nuk e di kur mund ta kenë marrë, mund ta kenë marrë përpara 4 muajsh por dhe së fundmi. Fakti që bëhet publik është i kohëve të fundit. Nëse do të jetë kjo dhe lëviz një ditë është një indicie që Ervis Martinaj jeton dhe ishalla jeton nga ana njerëzore pavarësisht nga pozita e tij juridike në marrëdhënien me ligjin”, tha Hajdarmataj.
