Gjatë 24 orëve të fundit janë konfirmuar me Covid-19 18 raste të reja, 7 prej të cilave në Durrës.
Sipas Dosja.al, ata janë punonjës të një fasonerie, që ka filial në Krujë, nga ku dyshohet të ketë ardhur infeksioni.
Kështu, është mbyllur reparti i fasonerisë “Endi shpk” dhe sipas informacioneve paraprake, instancat shtetërore shëndetësore kanë bërë që reparti të mbyllet dhe të 276 punonjësit janë karantinuar në shtëpitë e tyre.
Ata dyshohet se kanë pasur kontakte me personat e infektuar, ndaj edhe duhet të karantinohen në banesat e tyre.
Fasoni “Endi shpk”, ishte kthyer në një problem të madh, pasi kishte dërguar letra kërcënues kundrejt spitaleve dhe bashkisë, duke kërkuar që të mos përhapen informacione për të infektuarit në Krujë dhe në ambientin e tyre, pasi pretednojnë se po u shkatërrohet puna.
Këtu vlejmë të theksojmë se një episod të disa javëve më parë, kur drejtori i fasonerisë “Endi shpk” ka thënë dy gënjeshtra live në një televizion kombëtar.
Ai është shprehur se në subjektin e tij vetëm një punonjëse ka rezultuar pozitive me koronavirus, por kjo punonjëse sipas tij nuk është paraqitur fare në punë që prej 16 marsit.
Mirëpo, ai u përgënjeshtrua nga një sërë mesazhesh nga punonjësit drejtuar Eni Vasilit, që shkruanin se e infektuara ka vijuar të shkojë në punë dhe se në fakt janë rreth 20 persona të prekur në këtë fasoneri.
Po ashtu, ai u shpreh se e ka bërë testin në një spital privat dhe ka rezultuar pozitiv, mirëpo testimet nuk mund të kryehen në spitale private.
LEXO: Kruja vatër infeksioni: 2 gënjeshtrat e drejtorit të fasonerisë ‘live’ në emision
