Drejtuesi Qëndror i Zyrës Operacionale për Menaxhimin e Fatkeqësisë Natyrore, Blendi Çuçi, u ndal ditën e sotme në Manzë, ku vizitoi banorët e prekur nga tërmeti.
Gjatë takimit, Çuçi bëri me dije se qeveria do të sigurojë bonus qiraje për familjet e prekura nga tërmeti, deri në maj të vitit 2021.
Më tej ai shtoi, se për banorët po bëhet gati një ambjent i përbashkët për kuzhinë dhe lavanteri.
“Këtu çdo gjë është në rregull përsa i përket kanalizimeve, ngrohjes dhe ndriçimit. I vetmi problem deri më tani është një ambient i përbashkët për kuzhinë dhe lavanteri. Biseduam me administratorin dhe do të marrim një ambient këtu pranë me qira, për t’i dhënë zgjidhje përfundimtare kësaj çështje. Të gjithë banorët e prekur nga tërmeti i kemi sistemuar në kabina. Kjo është faza më e rëndësishme në kushtet e kësaj fatkeqësie natyrore. Për vlerësimin përfundimtar të godinave të dëmtuara do të vijë një tjetër grup i posaçëm”, tha ministri Çuçi
Në zonën e Manzës mbi 100 banorë të prekur nga tërmeti, janë strehuar nëpër kontenierë.
Ndërkohë grupet e inxhinierëve po vijojnë punën për vlerësimin e dëmeve të fatkeqësisë natyrore.
