Qindra njerëz janë mbledhur për funeralin e liderit të opozitës ruse Alexei Navalny.
Të pranishmit shpërthyen në duartrokitje ndërsa trupi i tij u dërgua në një kishë në periferi të Moskës. Disa prej tyre brohoritën duke thënë “ju nuk kishit frikë, dhe as ne nuk kemi frikë!” si dhe “Faleminderit Alexei!”.
Mediat e huaja shkruajnë se sot ka pasur një prani të madhe policore në qytet, me të pranishmit që rrezikojnë arrestimin për të treguar mbështetje për Navalny.
Nën forca të shtuara të sigurisë, arkivoli ka mbërritur në varrezat e Moskës, ku do të bëhet edhe varrosja e trupit të tij pas pak.
Kritiku i Putinit vdiq në një burg të Arktikut, ku ishte mbajtur me akuza të motivuara politikisht.
Zyrtarët thanë se Navalny vdiq për shkaqe natyrore, por gruaja e tij ka fajësuar presidentin Vladimir Putin për vdekjen e tij.
