Balerina Olta Ahmetaj dhe këngëtari Fabian Basha ishin të ftuar pasditen e sotme në emisionin “Rudina”, prej ku zbuluan publikisht arsyen se përse nuk e kanë kurorëzuar dashurinë e tyre në martesë.
Ata prej 6 vitesh janë bërë prindër, mirëpo nuk janë martuar.
Në fillim, siç rrëfyen vetë ata, zgjodhën të sillnin në jetë një fëmijë, pa menduar për martesën.
“Ishte zgjedhje në fillim, ndërsa tani është pak neglizhencë. Unë i kam dashur gjithmonë fëmijët, i kam adhuruar gjithmonë, jam rritur në një familje të madhe, ndaj edhe ia kisha kërkuar unë Fabit të kishim një fëmijë”, ka pohuar Olta.
Ndërsa nga ana tjetër, Fabi vijoi: “Olta donte fëmijë, kishim rënë dakord që kur të vinte ajo moshë që kishim vendosur, do t’i qëndronim besnikë. Iu afruam moshës pa menduar për martesë.”
Po ashtu, Olta ndër të tjera tha se për celebrimin ishte ajo që nuk donte: “Celebrimi ishte zgjedhje e imja. Nuk pranova, sepse thashë po bëmë celebrimin, nuk bëjmë dasmë.”
Rikujtojmë se Olta dhe Fabiani janë prindër të dy fëmijëve të quajtur Liam dhe Tristian.
