Koronavirusi vijon të përhapet me shpejtësi dhe numri total i të infektuarve e ka kaluar shifrën e 50 milionë njerëzve.
Bashkë me numrin e rasteve pozitive me Covid-19 vijon të rritet dhe numri i jetëve të humbura. Pasi që nga fillimi i pandemisë e deri më tani në gjithë botën kanë humbur jetën 1,262,307 njerëz por një lajm i mirë është fakti se 35,801,661 të tjerë e kanë fituar betejën me virusin.
Vendin e parë e mban Europa pasi është kontinenti më i goditur me 12.6 milionë të infektuar nga të cilët kanë ndërruar jetë mbi 305 mijë njerëz.Ndërkohë në vend të dytë qendron Amerika Latinë me 11.6 milionë të infektuar.
Sipas Universitetit “Johns Hopkins”, vendi më i prekur janë Shtetet e Bashkuara me 10,288,480 e ndjekur nga India me 8,5 milionë dhe më pas Brazili me 5,6 milionë njerëz të infektuar me koronavirus.
Një rekord i ri edhe në Iran, në këtë rast për vdekjet: 459 në një ditë, duke e çuar totalin në mbi 38 mijë. Vendi është goditur më rëndë në Lindjen e Mesme.
Në shumë vende të Europës janë rikthyer masat kufizuese për të parandaluar sado pak përhapjen e virusit.
Mbretëria e Bashkuar dhe Franca i janë rikthyer karantinës së plotë në gjithë vendin pasi numri i të infektuarve është shumë i lartë dhe mund të krijojë kolaps te spitalet një numër i madh të shtruarish.
Dhe në Gjermani bllokimi është “i pjesshëm”por kjo nuk i ndaloi mijëra njerëz që të dalin në rrugë për të demonstruar kundër masave anti-covid.Ndërsa kufizimet e reja kanë hyrë gjithashtu në fuqi në Poloni dhe Greqi, Portugalia do të ketë një shtetrrethim natën që nga dita e sotme./Iconstyle.al/
