Shorti për kualifikueset në Europa League, nuk është treguar bujare me Teutën dhe Kukësin, por nga anatjetër fati i ka buzëqeshur bardhebluve të Tiranës.
Edhe pse fati e dënoi në ndeshjen kualifikuese në Champions League kundër Crvena Zvezdës, Tiranës i buzëqeshi fati në shortin për Europa League.
Kampionët e Shqipërisë kanë fituar të drejtën për të luajtur direkt në play-off e Ligës së Europës.
Sipas UEFA, 2 nga 10 ekipet kampione të eliminuara në turin e dytë të Champions do të kalonin direkt në play-off duke mos luajtur në turin e tretë. Shorti ka përcaktuar se një nga këto dy ekipe është pikërisht Tirana. Kjo do të thotë se bardheblutë janë vetëm 90 minuta larg arritjes historike të tyre për të luajtur për herë të parë në fazën e grupeve në Ligën e Europës.
Nga ana tjetër Kukësit dhe Teutës nuk i ka buzëqeshur fat, pasi i ka rënë shorti me dy ekipe të fuqishme dhe me traditë në Europë.
Teuta do të ndeshet në datën 17 shtator me ekipin spanjoll të Granadës, ndërsa Kukësi do të përballet me gjermanët e Ëolfsburgut. Laçit ndërkohë shorti i ra që të përballët me rivalin e vjetshëm, skuadrën izraelite Hapoel Beer Sheva.
