Kombëtarja shqiptare U-17 është përgatitur për debutimin e saj historik në Kampionatin Europian U-17, ku do të përballet me Portugalinë.
Pasditen e sotme, nën drejtimin e trajnerit Andrea Tedesco, lojtarët zhvilluan stërvitjen e fundit dhe janë të gatshëm për sfidën e nesërme.
Ndeshja hapëse e Grupit A, Shqipëri–Portugali, do të zhvillohet në “Arenën Kombëtare” me fillim në orën 18:00.
Në orën 20:30 të së njëjtës ditë, në “Elbasan Arena” do të luhet edhe përballja Gjermani–Francë, gjithashtu pjesë e Grupit A.
Biletat për ndeshjet e Kampionatit Europian U-17 vazhdojnë të jenë online në ebileta.al.
Në “Arenën Kombëtare” pritet një atmosferë e zjarrtë për ndeshjen e parë të Kombëtares shqiptare, ku para fillimit të takimit do të zhvillohet ceremonia zyrtare e hapjes së Kampionatit Europian U-17 “Shqipëri 2025”.
