Lewis Hamilton ka rinovuar zyrtarisht kontratën e tij me Mercedes. Kampioni britanik do të garojë së bashku me ekipin gjerman për sezonin e nëntë dhe do të ndjekë titullin e tetë botëror që do të thotë tejkalimi i një legjende si Michael Schumacher. Ekipi i Toto Wolff komunikoi statusin zyrtar:
Të paktën për 2021 Hamilton dhe Mercedes do të vazhdojnë së bashku. Vendosëm të zgjasim marrëdhëniet sportive për një sezon tjetër dhe për të filluar një projekt afatgjatë për të hedhur hapin tjetër në angazhimin tonë të përbashkët, pra për një diversitet më të madh brenda sportit tonë. Rekordi konkurrues i Lewis është krahas më të mirëve që bota e sportit ka parë ndonjëherë dhe është një ambasador i vlerësuar i markës sonë.
Ndërkohë vetë 39-vjeçari anglez tha se ndihej shumë i lumtur dhe krenar për rinovimin e kontratës dhe se shpreson për fitore të mëtejshme si brenda ashtu edhe jashtë fushës.
Unë po pres me padurim të filloj sezonin tim të nëntë me shokët e mi të ekipit Mercedes. Ne kemi arritur rezultate të jashtëzakonshme së bashku dhe shpresojmë të vijojmë me fitore duke vazhduar të rritemi, si brenda dhe jashtë pistave. I jam mirënjohës skuderisë për mbështetjen. Ndihem krenar për rinovimin. Jam shumë i motivuar dhe mezi po pres marsin për t’u rikthyer sërish në pistë.
