Bukuroshja e ekranit shqiptar, Jonida Vokshi, u shpreh dje në “Wake Up” se ka marrë një ftesë për të prezantuar këtë vit “Festivalin e Këngës”.
Megjithatë, ajo na la të kuptojmë se nuk e ka vendosur ende nëse do të pranojë apo jo, duke u shprehur: “Jam duke e menduar”.
Mirëpo, duke se ajo i është përgjigjur pozitivisht ftesës dhe tashmë do ngjitet në skenën e Festivalit të RTSH si moderatore.
Por, nuk do jetë vetëm. Ajo do moderojë krah gazetarit të njohur Blendi Salaj dhe lajmi është konfirmuar nga faqja zyrtare e festivalit, duke u publikuar më pas në Instastory edhe nga Jonida.
Ditën e djeshme krah tyre u përfolën se do moderonin edhe Klea Huta dhe Gresa Pallaska, por si duket gjërat kanë ndryshuar në moment të fundit. Kujtojmë se vitin e shkuar drejtimi i “Festivalit të Këngës” ju besua Alketa Vejsiut dhe Vera Grabockës.
26 artistë janë përzgjedhur për të konkurruar këtë vit në Festivalin e 59-të të Këngës. Pasi janë dëgjuar të gjitha produksionet e mbërritura, juria e përbërë nga Alma Bektashi, Jonida Maliqi, Agim Doçi, Klodian Qafoku dhe Eugent Bushpepa, kanë vendosur cilat këngë do të konkurrojnë këtë vit.
Mes artistëve të rinj bien në sy edhe ata të njohur si Anxhela Peristeri, Era Rusi, Orgesa Zaimi, Manjola Nallbani, Rosela Gjylbegu etj. Artisti fitues pritet të përfaqësojë Shqipërinë vitin e ardhshëm në festivalin europian, “Eurovision”, i cili këtë vit nuk u organizua për shkak të pandemisë.
Lista e plotë e pjesëmarrësve
Peng- Devis Xherahu
Valixhja e kujtimeve- Orgesa Zaimi
Kush je ti dashuri- Festina Mejzini
E morën botën- Franc Koruni
Pendesë- Inis Neziri
Kam me t’ba me kajt- Sardi Strugaj
Më jep jetë- Gjergj Kaçinari
Nëse vdes- Durim Morina (Mirudi)
Tjerr- Evi Reçi
Vashëzo- Rosela Gjylbegu
Vallja e jetës- Klevis Bega (Kastro Ziso)
Do t’ja dal- Klinti Çollaku
Karma- Anxhela Peristeri
Si ajo- Ëendi Mancaku
Ty- Fatos Shabani
Vajzë- Florent Abrashi
Njësoj- Enxhi Nasufi
Ajo vajza- Kamela Islamaj
Zjarri im- Era Rusi
Jo- Erikson Lloshi
Më mbron- Xhesika Polo
Ora e jetës- Manjola Nallbani
E lirë- Giliola Haveriku
Nënë- Viktor Tahiraj
Vendi im- Agim Poshka
Meteor- Stefan Marena
/Iconstyle.al/
