Ministrja e Shëndetësisë, Ogerta Manastirliu ka qenë në Selenicë të Vlorës në kuadër të fushatës së ndërgjegjësimit për luftën kundër kancerit të gjirit. Manastirliu u ka bërë thirrje grave që të kryejnë mamografinë në kohë pranë spitaleve rajonale apo në Tiranë në Spitalin Universitar ‘Nënë Tereza’, në poliklinikën qendrore.
“Eshtë një muaj ndërgjegjësimi për të gjitha gratë që ende nuk e kanë kryer kontrollin periodik të gjirit apo mamografinë për t’u paraqitur pranë spitaleve rajonale apo në Tiranë në Spitalin Universitar ‘Nënë Tereza’, në poliklinikën qendrore për të kryer sa më shpejt mamografinë. Por nga ana tjetër nëpërmjet dy mamografive të lëvizshme ne jemi në të gjithë Shqipërinë, sipas një kalendari të përcaktuar, për të kryer mamografinë afër vendbanimit. Sot jemi në Selenicë bashkë me strukturat tona të kujdesit shëndetësor, për të ftuar të gjitha gratë sipas planit individual të përcaktuar nga mjeku i familjes, për kryerjen e kontrollit periodik të gjirit”, tha ministrja.
Ajo theksoi që gjithë rrjeti spitalor është I plotësuar me mamografi dhe kërkoi planifikim nga mjekët e familjes për për çdo grua për të kryer kontrollin periodik
“Është e rëndësishme për të theksuar që tashmë e kemi plotësuar të gjithë rrjetin e spitaleve rajonale me mamografi. Ajo çfarë kërkohet dhe i kërkohet struktuarave të kujdesit shëndetësor, mjekëve të famijles, është palnifikimi rigoroz për çdo grua për të kryer kontrollin periodik por gjithashtu edhe për të kryer ekzaminimin nëpërmjet mamografive”, ka thënë Manastirliu.
Gjatë muajit tetor njësitë e lëvizshme të mamografisë do të jenë të hpërndara sipas kalendarit në këto zona:
4 –10 Tetor në Gramsh dhe Selenicë; 11-15 Tetor në Pogradec dhe Mallakastër; 18-22 Tetor në Prrenjas dhe Krujë; 25-29 Tetor në Librazhd dhe Has.
