Ministri italian i Arsimit, Lorenzo Fioramonti ka dhënë dorëheqjen.
Nëpërmjet një letre drejtuar kryeministrit, Giuseppe Conte, ai sqaron edhe motivet.
“Është e kotë të qëndrosh në ministri, për të ngrohur kolltukun”, u shpreh Fioramonti përpara se të jepte dorëheqjen.
Ky i fundit kishte kërkuar fonde të tjera për dikasterin që drejtonte, mirëpo që nuk u alokuan bër buxhetin e vitit 2020.
Fiormanonti kishte kërkuar 24 miliardë euro për shkollat, pasi 3 miliardët e siguruara nuk mjaftonin.
Kur ishte pyetur nëse do të jepte dorëheqjen për mungesë fondesh, ministri ishte përgjigjur: “Ose unë shfrytëzoj këtë mundësi për të sjellë një ndryshim, ose është vërtetë e kotë të qëndrosh në ministri për të ngrohur kolltukun”.
