Zhdukja e Ervis Martinajt ka ngjallur kuriozitet teksa prej prej javësh po kryhen hetime për të hedhur dritë mbi fatin e tij.
Ka dyshime se ai mund ta ketë improvizuar zhdukjen e tij ose mund të jetë rrëmbyer dhe vrarë nga kundërshtarët e tij.
Ndërkohë ditën e sotme në emisionin “Shqipëria LIVE”, temë debati ishte edhe misteri i fatit të Ervis Martinajt. Ndër versionet që u diskutuan, ish-komisari, Dritan Zagani, ka hedhur një tjetër tezë. Ai tregoi se sipas disa informacioneve të tij, Ervis Martinaj, 2 muaj para se të zhdukej ka sjellë në Shqipëri një kirurg plastik nga Lombardia.
Kirurgjia plastike është një metodë e njohur dhe mund të jetë e vërtetë se Ervisi ka ndryshuar fizionominë dhe tani është shpallur i zhdukur.
“Përmes disa lidhjeve të tij në Lombardi, Vis Martinaj ka kërkuar takim me një prej kirurgëve plastikë. Pra, a mund të themi se ky person ka ndryshuar fizionominë si dhe ka inskenuar zhdukjen e tij?”, shprehet ish-komisari Dritan Zagani.
Ndërkohë që përveç familjarëve Prokuroria po merr në pyetje të gjithë personat që mund të kenë dijeni para se ai të shkëpuste kontaktet me familjen dhe fati i tij të mbulohej nga misteri. Para disa javësh prokurorët kanë rënë në gjurmët e një vajze, e cila ndodhej në shoqërinë e të shumëkërkuarit para ditë përpara se familjarët të trokisnin në dyert e policisë dhe të kërkonin ndihmë. Vajza është marrë në pyetje nga prokurorët dhe ka pranuar se kishte që nga muaji janar i këtij viti që shoqërohej me të shumëkërkuarin, me të cilin sikurse deklaron ishte njohur përmes rrjeteve sociale.
