Partia Demokratike ka bërë ndryshime të rëndësishme në drejtuesit politikë për qarqet, në kuadër të zgjedhjeve të ardhshme të vitit 2025. Sipas burimeve nga selia blu, Ervin Salianji është emëruar drejtues politik i PD-së për Qarkun e Elbasanit.
Ervin Salianji, i cili ka qenë i deleguar në Kavajë për zgjedhjet e 14 majit ku koalicioni “Bashkë fitojmë” arriti të fitojë, tani do të drejtojë fushatën në Elbasan. Në zgjedhjet e vitit 2021, ai ka kandiduar në Qarkun e Korçës dhe ka arritur të sigurojë 9420 vota, duke qenë deputeti më i votuar nga opozita.
Problematikat në Zgjedhjet e 2021 në Elbasan
Zgjedhjet parlamentare të vitit 2021 në Elbasan u shoqëruan me probleme serioze, përfshirë incidente të dhunshme që kulmuan me vrasjen e Pjerin Xhuvanit. Ky incident tronditi opinionin publik dhe ngriti pikëpyetje për sigurinë dhe transparencën e procesit zgjedhor në qarkun e Elbasanit.
LEXO EDHE:
U vra 4 ditë para zgjedhjeve të 25 prillit 2021, rikthehet në fokus vrasja e Pjerin Xhuvanit
