Pas zgjedhjeve të 30 qershorit, Erion Isai është kryebashkiaku i ri i Kolonjës. Ditën e djeshme ai ka bërë edhe një falenderim në rrjetin social Instagram për disa persona të cilët e kanë suportuar në rrugën e tij, deri në momentet ku është tani.
Të parin që Isai ka dashur të falenderojë është Altin Basha për mundësinë që i ka dhënë për vite me radhë në “Portokalli”, e më pas ka vazhduar me falenderimet për Bes Kallakun e Ardit Gjebrean.
Të shumta janë edhe komentet që janë bërë në këtë postim, ku pikant është komenti i moderatorit Ardit Gjebrea dhe gazetares Kozeta Kurti. Kjo e fundit shprehet se mirënjohja është frut më i shijshëm se një angazhim i ri.
“Bëj çfarë të duash, por moe e harro Teatrin. Televizioni të “gllabëroi” pak, Bashkinë mos e lër të të “kullufisë”, është ky komenti i gazetares Kozeta Kurti.
Postimi i Erion Isait në Instagram:
Faleminderit që më ndriçuat! 🙏❤
Janë njerëzit që kanë shenjuar rrugën time artistike që 15 vjeç. Me ❤ faleminderit!
Për të veçuar Altin Bashën, për të artën mundësi, Portokallinë, dhe Ardit Gjebrea për besimin e skenarit dhe bashkëpuntorit të kënga magjike, dhe E diela Shqiptare. E sigurisht kolegun, vëllain tim, prej 12 vjetësh, Bes Kallakun! Unë nuk do të kem angazhim artistik në televizion në sezonin e ri (ndërsa lejen vjetore sigurisht që do ta shfrytëzoj për teatër 😀) . Nuk e di nëse vërtet puna e përkushtimi im ka qenë këto vite më e mira, por di se puna me këta njerëz më ka bërë më të mirë!
Komenti i Ardit Gjebreas në postimin e Isait:
I dashur @erion_isaijam shumë i lumtur që kemi punuar bashkë dhe uroj të ndodhë përsëri. Tani një rrugë e re të pret dhe me shuuumë përgjegjësi, por vetëm një amanet kam meqë je në fillim (se mos harroj të ta them kur të shihemi): Mos fyej rëndë publikisht dikë me të cilin mund të bësh aleancë nesër dhe mos trego sa pis është dikush që do ta përqafosh nesër, sepse pisllëku nuk do jetë më i tij, por i yti! #besojtekti
