Ditën e sotme ish-zëvendëskryeministri, Erion Braçe i ka dalë kundër Edi Ramës i cili ditë më parë tha se qeveria ka ngritur një grup pune për të vlerësuar familjet e “pasura” të cilat do të paguajnë më shtrenjt energjinë elektrike.
Sipas Braçes, familje të pasur nuk të bën nëse harxhon energji elektrike më shumë por të bëjnë pasuria që zotëron në vlerë monetare dhe pronat e paluajtshme. Gjatë reagimit në rrjetet sociale, Braçe ka këshilluar qeverinë që të gjejë burime të tjera për të prodhuar më shumë energji nëpërmjet diellit dhe erës.
Reagimi nga Erion Braçe:
“PER TE PASURIT, TATIME TE REJA, TE DREJTA, PROGRESIVE!
Nje fature energjie 12 mije, 13 mije, 14 mije lekeshe, ja dhe 20 mije lekeshe,
NUK TE BEN TE PASUR;
Beja sa te duash cmimin, nuk je i pasur prej kesaj!
I PASUR je prej pasurise se paluajtshme e te luajtshme qe zoteron, PERFITIMEVE nga kjo pasuri!
Per TE PASURIT, na duhet tatim i ri progresiv per te gjitha te ardhurat nga kapitali, pasuria.
Per ENERGJINE, na duhen burime te reja, shume burime ne energji prej diellit dhe eres qe i kemi ne shumice;
Liberalizim dhe heqje e cdo barriere qe pengon zhvillimin e energjise nga keto dy burime kaq te lira”, thotë Braçe.
