ERE miraton rritje të tarifave të shpërndarjes së energjisë, nga e cila preken mijëra biznese në treg të lirë.
Enti Rregullator i Energjisë miratoi rritje të tarifave të shpërndarjes së energjisë për bizneset e lidhur në tension 35, 20, 10, 0.4 kv.
Në mbledhjen e fundit Bordi vendosi që pas aplikimit të OSSh pjesë e OSHEE group të miratonte tarifën 1.55 lekë/kWh nga 1.5 lekë që është aktualisht. OSSh kishte kërkuar një tarifë 2.62 lekë.
Për tarifën e shpërndarjes në tension 20,10,6 kv Enti miratoi tarifë 3.99 lekë nga 3.9 lekë qe është aktualisht. OSSh kishte kërkuar në fakt një tarifë 4.14 lekë/kWh.
Për tarifën e shpërndarjes në tension 0.4 lekë tarifa e re u vendos 6.42 lekë nga 4.79 lekë/kWh që është aktualisht. Nga OSSh u kërkua 7.37 leke/kWh.
Tarifa mesatare është lënë bë fuqi ajo aktuale prej 6.69 lekë.
Rritja e tarifave të shpërndarjes dhe transmetimit prekin direkt bizneset në treg të lirë te cilat përveç kostove të energjisë që janë rritur deri në 4 herë do të kenë dhe kosto të reja shtesë. Tarifat do të jenë në fuqi nga 1 maji 2022 deri në fund të këtij viti.
Nëse i referohemi aplikimit të bërë vitin 2020, OST kërkoi rritjen e tarifës së transmetimit të energjisë në 1.31 lekë/kWh nga 0.75 lekë/kWh që është aktualisht.
Në atë kohë ERE vendosi të mos fillonte procedurën e shqyrtimit të aplikimit për shkak të mos argumentimit nga ana e OST mbi nevojën e kësaj rritjeje. Ndërkohë që, në rast se sivjet do të ketë një ndryshim të kësaj tarife, ajo impakton drejtpërdrejt bizneset që kanë dalë në treg të lirë energjie, por edhe abonentët familjarë e biznese që furnizohen nga Furnizuesi i Shërbimit Universal, që është pjesë e OSHEE.
