Mesa duket Turqia dhe Rusia janë duke bashkuar forcat për “të mirën” e shteteve të tyre.
Së fundmi Presidenti i Turqisë, Recep Tayyip Erdogan ka thënë se është duke planifikuar që të blejë sisteme të mbrojtjes ajrore S-400 nga Rusia.
Erdogn thotë se vendi i tij do t’i vazhdojë këto plane, pavarësisht gjithë presioneve që janë duke bërë Shtetet e Bashkuara për ta anuluar marrëveshjen.
“Ne kemi arritur në marrëveshje me Rusinë për sistemin S-400 dhe ne nuk do të tërhiqemi (nga marrëveshja)”, u tha gazetarëve sot presidenti Erdogan.
Mirëpo SHBA-të nuk kanë për të qenë të lumtura për këtë fakt, pasi i kanë ofruar Turqisë blerjen e sistemit raketor Patriot për 3.5 miliardë dollarë, gjë e cila është refuzuar nga Ankaraja zyrtare.
Erdogan tha se Turqia është e hapur për të blerë sistemet Patriot, por Uashingtoni duhet të tërheqë ofertën, nëse Turqia vendos të blejë sistemet raketore nga Moska.
Pikërisht për këtë arsye Washingtoni ka thënë se sistemet e marra nga Moska nuk mund të integrohen në mbrojtjen ajrore të NATO-s.
Më 6 shkurt, Dmitry Shugayev, shef i Shërbimit Federal për Bashkëpunim ushtarak të Rusisë, tha se Rusia pritet të përfundojë marrëveshjen me Turqinë “në vjeshtën e vitit 2019”.
Ndërkohë që mediat lajmërojnë se do të jetë një artileri e tërë, katër batalione me S-400, të cilët kapin vlerën e 2.5 miliardë dollarëve.
Ende nuk ka një informacion të saktë se cila është nevoja e domosdoshme e Turqisë për të pasur një mbrojtje të tillë raketore.
