Një ngjarje e rëndë ka ndodhur ditën e sotme në qytetin e Sarandës, ku dy punëtorë janë plagosur rëndë. Mësohet se dy punëtorët e plagosur po punonin në një çati në fshatin Shelegar ndërsa era e fortë i ka shtyrë llamarinën ku po punonin dhe i ka hedhur në tokë të dy. Mësohet se punonjësit Mehmet Metali, 35 vjeç dhe Sokol Cukari, 31 vjeç janë transportuar menjëherë me urgjencën e spitalin rajonal të Sarandës “Stefan Mekshi”. Burime bëjnë me dije se njëri prej tyre, Sokol Cukari i është nënshtruar menjëherë një operacioni në këmbë, ndërkohë që 35-vjeçari për shkak të dëmtimeve të rënda në shtyllën kurrizore është transportuar me helikopter drejt spitalit të traumës në Tiranë. Gjithashtu në vendin e ngjarjes ka shuar edhe grupi hetimor që po bënë verifikimet dhe po punon për sqarimin e rrethanave të ngjarjes.
Informacion paraprak nga Policia e Sarandës
Në orën 14:30, në spitalin e Sarandës janë paraqitur për të marrë ndihmë mjekësore, jashtë rrezikut për jetën, shtetasit S. Ç., 31 vjeç dhe M. M., 35 vjeç, të cilët dyshohen se janë rrëzuar aksidentalisht nga një objekt ku po kryenin riparime në fshatin Shelegar, Sarandë.
Grupi hetimor ndodhet në vendngjarje dhe po punon për sqarimin e rrethanave të ngjarjes.
