Epidemiologu i njohur Ilir Alimehmeti, ka folur për situatën me COVID-19 në vendin tonë. Alimehmeti i ftuar në studion e “Wake Up”, u shpreh se kjo verë pritet të jetë e qetë për sa i përket situatës me pandeminë. Ai ka theksuar se virusi nuk do të zhduket, ndaj duhet të respektohen masat. Gjithashtu Alimehmeti duke e krahasuar me vitin e kaluar kemi një numër më të lartë të individëve të imunizuar dhe kjo vjen për shkak të numrit të larët të vaksinimeve.
“Unë e kam krahasuar me verën e 2020-s. Le të kthehemi mbrapa në kohë dhe të mendojmë se çfarë kishim në 2020-n. Kishim patjetër shumë më pak njerëz që e kishin kaluar sëmundjen në rrugë natyrore, numri ishte tejet i vogël. Nuk i kishim këto numra të vaksinuarish, pra imunizimi është shumë më i lartë se viti i kaluar. E nga krahu tjetër, verën e kaluar ne patëm si kufizime vetëm mungesën e muzikës pas orës 8 dhe më pas u vendos maska e detyrueshme në mjediset e brendshme.
Duke qenë se kemi më shumë të imunizuar sivjet, nuk pres që vera e 2021 të ketë ndonjë çudi të madhe, duke nxjerrë mësim nga vera e 2020-s. Do jetë një verë relativisht e qetë, por Covid do jetë prezent akoma”, tha epidemiologu Ilir Alimehmeti.
