Në emisionin “pa gjurmë” është bërë publik rasti i Delfin Musait i cili emigroi që herët drejt tokës helene, bashkë me vëllanë e tij Qazimin.
Pasi u kapën herën e parë nga policia greke, Delfini vendos që të provojë përsëri emigracionin, në vitet 1993-‘94 kur më në fund mbërriti në Selanik. Pas kësaj, 4 vite nuk kontaktoi më me familjen, ndërsa më1998 një letër vjen nga Norvegjia,në adresë të vëllait Qazimit, në të cilën shkruhej:
”Jam Delfini, jam shëndoshë e mirë“, në fund të letrës edhe një numër telefoni. Kur dukej një dritë jeshile për familjarët lidhur me vendodhjen e mundshme të Delfinit, numri i telefonit rezultoi i pasaktë. Sot është nipi i tij i cili po vijon kërkimet për xhaxhain e tij.
Nipi i tij Edisoni krijoi nje miqësi virtuale me një vajzë, e cila pretendonte se e njihte Delfinin dhe se ky i fundit ndodhej në burg dhe kishte ndryshuar identitet. Edisoni nuk arriti të merrte asnjë informacion më tej nga vajza. Në kërkimet që Edisoni bën zbulon se xhaxhai i tij kishte miqësi me Alket Rizain, dhe personi që rrinte me Alketin kishte ngjashmëri të madhe me Delfinin. Vitet kaloni po ngjarja nuk zbardhej, në vitin 2015 një person i panjohur troket në derën e shtëpisë dhe largohet me vrap drejt një makine të zezë. E njëjta makinë, që ndaloi Edisonin pas afro 4 muaj, pasi nëna e Delfinit, Ruzhdia, pati ndërruar jetë. Delfini u shfaq në rrështat e një mesazhi “Të rroni vetë dhe keni të fala nga Delfini’’
