Teksa kërkimet rezultuan të pasuksesshme në lidhje me gjetjen e 26-vjeçarit Mateo Lika në Fier, sërish ngjarja vazhdon të mbetet mister.
Pasi mjeti me të cilin lëvizte u përplas me parmakët e Urës së Mbrostarit, nuk është gjetur as makina dhe as 26-vjeçari, ndërsa vazhdojnë kërkimet për të gjetur të riun.
Ai kishte humbur kontaktet me familjarët dhe ata ngritën alarmin për zhdukjen e 26-vjeçarit. Nuk dihet nëse automjeti ka rënë në ujërat e lumit Seman, apo pas përplasjes me parkamakët e urës, Lika është larguar nga aty.
Gjatë ditë së djeshme janë kryer kërkimet në lumë nga polumbarët e forcave RENEA, por janë ndërprerë pasi s’kanë gjetur asnjë zhurmë të të riut.
Ata nuk arritën të gjenin shenja të mjaftueshme për provuar se makina ka rënë në ujë. Mësohet se mjeti që i riu kishte marrë me qira nuk kishte GPS, ç’ka bën të vështirë edhe kërkimet e policisë. Për të mundësuar kërkime më të plota u kërkua mbyllja e portave të Gramshit, që sjellin edhe uljen e prurjeve në lumin Seman. Kërkimet vijojnë. Theksojmë se telefoni i 26-vjeçarit vijon të jetë i fikur, ndërsa nga kamerat e sigurisë nuk arrihet të identifikohet qartë lëvizja e tij. Policia ka marrë në pyetje të njohurit e tij për të zbuluar kontaket e fundit të Mateo Lika.
