Xavi Hernandez është zyrtarisht trajneri i ri i Barcelonës.
Ishte vet Al Sadd që konfirmoi zyrtarisht i pari largimin e Xavit e më pas edhe Barcelona konfirmon trajnerin e ri, me shpresën për t’u rikthyer në nivelet që një klub si katalanasit duhet të jetë.
Administrata e Al Sadd ka rënë dakord për kalimin e Xavi në Barcelonë pas pagesës së klauzolës së lirimit të përcaktuar në kontratë. Deri në 2024 është fillimisht akordi mes Xavit dhe Barcelonës me këta të fundit që kanë paguar 5 mln Euro për të liruar trajnerin e tyre të ri nga Al Sadd
Mediat katalanase kanë bërë me dije se Xavi tashmë ka vendosur stafin e tij stërvitor që do ta ndihmojë atë te Barcelona. Oscar Hernández dhe Sergio Alegre do të jenë dy më të afërt me ish-mesfushorin, Ivan Torres do të jetë trajneri i fitnesit, Carlos Nogueira fiziko dhe David Prats, Toni Lobo dhe Sergio Garcia do të jenë grumbulluesit.
Në fakt është ndjerë prej kohësh që Xavi është njeriu që mund të kthejë “Blaugranët” tek stili i tyre i lojës që ka humbur prej kohës së largimit të Pep Guardiolas. Pozicioni i Ronald Koeman mendohet të jetë në dyshim tani, me rezultatet e fundit që sollën rrëzimin e Barcelonës nga gara për titull
