Zjarri i rëndë që ndodhi mbrëmjen e djeshme në Spitalin Covid të Tetovës ka alarmuar dhe shumë figura të njohura të politikës ku të gjithë kanë treguar ndihmën e tyre madje dhe duke shprehur mesazhe ngushëlluese familjarëve të viktimave.
Zëvendësministri i Shëndetësisë në Maqedoninë e Veriut, Ilir Hasani ka folur në lidhje me gjendjen shëndetësore të personave të lënduar nga zjarri në spitalin COVID në Tetovë.
“Të dhënat zyrtare të vdekurve do të dalin shumë shpejtë, derisa prokurori dhe hetuesia është në vendin e ngjarjes nuk mund të themi një numër të saktë të viktimave. Gjendja e të lënduar është e stabilizuar, por nuk kemi informata ende të reja, deri tani ishim në terren dhe nuk kemi informacione”.
Mes të tjerash ai tha se mbi 20 pacient kanë qenë duke u trajtuar për COVID-19.
“Mbi 20 pacient me COVID-19 kanë qenë duke u shëruar në bazë të evidencës tonë, por përderisa janë edne duke kontrolluar dhe shqyrtuar hetuesia dhe prokurori nuk mund të them asgjë konkrete”.
E ndërkohë kujtoijmë se në mesin e muajit prill ky spital ka pasur gabime ndërtimi në dysheme. Me furnizimin me ujë dhe rrymë elektrike ka qenë shumëmirë, por që atëhere është dhënë alarmi për gabimet të cilat konsideroheshin të vogla. Tashmë zjarri në spital është shuar dhe dyshohet se zjarri mund të ketë shkaktuar edhe më shumë viktima, në radhët e mjekëve dhe pacientëve.
