Ministri i Mbrojtjes, Niko Peleshi, ka bërë një njoftim në lidhje me situatën e zjarreve në Shqipëri, ku aktualisht janë identifikuar 5 vatra aktive.
Peleshi ka bërë të ditur se për menaxhimin e këtyre zjarreve janë përfshirë 144 efektivë të Forcave të Armatosura, 13 mjete, 3 zjarrfikëse dhe një helikopter tip Cougar.
Ministri ka theksuar se angazhimi i këtyre forcave është në përpjekje për të ndaluar përhapjen e zjarrit dhe për të shuar vatrën në mënyrë efikase. Gjithashtu, ai ka bërë thirrje për bashkëpunim dhe kujdes në luftën kundër zjarreve, pasi këto situata mund të jenë shumë delikate dhe të kërkojnë një reagim të shpejtë dhe të përgjegjshëm.
“Po punohet me intensitet për mbajtjen nën kontroll të vatrave të zjarrit në fshatrat Peshtan Plyk, Kraps,Kreshpan, njësia administrative Frakull. Ndërsa u kërkua ndërhyrja e helikopterit në pyllin me pisha në fshatin Gjorgoz, pasi ndërhyrja me mjete dhe forca nga terreni është e pamundur. Po punohet ndërkaq edhe në një vatër zjarri në fshatin Hekal, bashkia Mallakastër.
Po vijon gjithashtu operacioni për kapsulimin e vatrave në vendgrumbullimin e mbetjeve urbane, në bashkinë Vlorë.
Në fshatin Buz, në bashkinë Memaliaj po vijon puna nga terreni për izolimin e vatrës së zjarrit.
Është bërë e munduar shuarja e vatrës së zjarrit në fshatin Skrevan, bashkia Dimal, ku aktualisht ka vetëm prezencë tymi.
Situata është nën kontroll dhe zjarri po shkon drejt izolimit të plotë në malin e Gjallicës, njësia administrative Shtiqën, bashkia Kukës”, shprehet ministri.
