Ministri i Mbrojtjes, Niko Peleshi ka bërë me dije se janë hedhur mbi 300 mijë litra ujë mbi zonën e Karaburunit në mënyrë që të neutralizohen vatra të ndryshme zjarri.
Ministri thotë se operacionet e Forcave të Armatosura vazdojnë me intensitet, ndërsa temperaturat e larta, relievi dhe era e kanë bërë edmë komplekse situatën. Peleshi bën me dije se janë marrë të gjitha masat që në rast nevoje të shtohen trupat dhe mjetet nga ajri dhe toka.
“Mbi 300 mijë litra ujë janë hedhur mbi zonën e Karaburunit për të neutralizuar vatra të ndryshme zjarri. Operacionet e Forcave të Armatosura do të vazhdojne me intensitet për të eleminuar plotësisht çdo vatër. Temperaturat e larta, relievi dhe era e bëjnë akoma më kompleks operacionin. Ndërkohe janë marrë të gjitha masat që ne rast nevoje të shtohen trupat dhe mjetet nga ajri dhe toka”, shkruan ministri i Mbrojtjes.
Më herët për situatën e zjarreve në vend reagoi edhe kryeministri Edi Rama. Ai u shpreh se Forcat e Ushtrisë meritojnë respekt dhe inkurajim në një kohë kur shumë vende po përballen me kërcënimin e zjarreve.
Aktualisht situata më kritike është në Karaburun ku flakët kanë rrezikuar edhe bazën e Pashalimanit dhe janë përhapur me shpejtësi.
