Tuneli i Kalimashit u mbërthye nga flakët mbrëmjen e djeshme. Për këtë ngjarje, nuk pati dhe as nuk ende asnjë reagim nga kreu i qeverisë, Edi Rama. Ishte presidenti Ilir Meta i cili u nis drejt vendit të ngjarjes, ndërsa kryedemokrati Lulzim Basha, falenderoi mëngjesin e sotëm forcat e Kosovës që erdhën në ndihmë.
“Mirënjohje Kosovës për ndihmën vëllazërore në betejën me zjarret! Bashkëpunimi me forcat ushtarake dhe civile të Shqipërisë, që prej ditësh po sakrifikojnë me vetë mohim e në kushtet më të rënda,është jetik për mbrojtjen e jetës dhe shëndetit të qytetarëve dhe të pasurive natyrore. Faleminderit Kosovë për ndihmën dhe solidaritetin që nuk e ke kursyer kurrë!”, shkroi kryetari i PD-së, Lulzim Basha.
Ndërsa kryeministri Edi Rama, ende nuk ka bërë asnjë koment në lidhje me zjarret në Kalimash. Madje, ai ka ndarë një postim në rrjetin social “Facebook”, nga një lagje e re në Shijak.
Postimi i Ramës:
Mirmengjes dhe me lagjen e re të Rilindjes së Shijakut pas shkatërrimit nga tërmeti, e cila do të jetë një shembëlltyrë urbane e respektit dhe solidaritetit me njerëzit e zakonshëm të këtij vendi, që do të përfitojnë falas apartamente optimale, ju uroj një ditë të mbarë”, shkroi kryeministri i Shqipërisë, Edi Rama.
