Një sipërfaqe e madhe pyjore në Parkun Kombëtar të Lurës, në qarkun e Dibrës, u përfshi nga zjarri këtë të martë, duke rrezikuar zonën e mbrojtur pranë Liqenit të Luleve.
Flakët janë përhapur me shpejtësi për shkak të erërave të forta dhe terrenit të thyer malor, duke e bërë tepër të vështirë ndërhyrjen nga toka. Ekipet zjarrfikëse ndodhen në terren, por përballen me vështirësi të mëdha për shkak të aksesit të kufizuar dhe natyrës së zonës.
Ndërkohë, pritet të ndërhyhet edhe me helikopter për të ndihmuar në kontrollin dhe shuarjen e flakëve.
