Një vatër zjarri është aktivizuar në fshatin Budinë të Elbasanit ditën e sotme. Vatra është vënë re nga banorët rreth orës 12:35 ndërsa flakët kanë përfshirë një sipërfaqe mjaft të madhe me shkurre të llojit shkozë, dëllinjë, lajthi etj., Brenda një kohe të shkurtër
Flakët janë favorizuar edhe nga era e lehtë dhe mbiztotërimi i barishteve dhe janë përhapur më tej. Banorët e zonës janë angazhuar për shuarjen e flakëve dhe pritet që në ndihmë të tyre të shkojnë edhe punonjës të shërbimit zjarrfikës. Dyshimet e para janë se zjarri është vënë qëllimisht, psi edhe vite më parë në këtë zonë, pasi është tentuar të happen kullota duke djegur sipërfaqe me shkurre. Edhe në Malin e Bukanikut në zonën e Shpatit, u dogjën disa hektarë pyje gjatë kësaj jave. Zjarri fillimisht dëmtoi 2 ha të kurorës së gjelbër me pisha e dushk, por për shkak të erës flakët u përhapën në të gjitha drejtimet, të favorizuara edhe nga terreni malor, duke krijuar dëme të konsiderueshme. Edhe zjarri në Bukanik dyshohet se ishte i qëllimshëm dhe ishte më i madhi i shfaqur në Bashkinë e Elbasanit gjatë këtij viti. Kujtojmë se muajt e verës zjarret në Shqipëri ishin të shumta dhe shpesh ishin të qëllimshme.
