Për zhdukjen e 19 vjeçares Artemis Vasili, në Greqi, ka shumë pak gjurmë. Grupi hetimor po bën kërkime nëpër rrjetet e saj sociale për të zbuluar detaje, teksa rezulton se me 8 dhe 9 Nëntor, email-i dhe fjalëkalimet e saj janë përdorur nga një person i panjohur. Ndërkohë të vëllait i ka mbërritur një mesazh misterioz, i cili nuk bëhet me dije.
Detajet janë zbuluar nga avokati i familjes Anastasios Dougas, i cili tha se policia ka nisur hetimet, por nuk dha më shumë detaje pasi nuk lejohet që të dalë informacioni. Dyshimet më të mëdha janë tek ish-i dashuri i saj 24-vjeçar.
Mesditën e 1 nëntorit, familja mori një telefonatë anonime ku i thonin se Artemis Vasili po mbahej peng nga disa të huaj në një apartament në Monastiraki.
Para disa javësh, emisioni “Dritë në tunel” kontaktoi me djalin, me të cilin Artemis kishte folur në Facebook dhe tashmë jetojnë në të njëjtin qytet.
Ai tha se nuk kishte pasur asnjë kontakt me 19-vjeçaren kohët e fundit dhe nuk kishte asnjë të dhënë për t’i treguar autoriteteve se ku të zhvillonin kërkimet.
/GazetaReforma.com/
