Një 15-vjeçar nga Postriba e Shkodrës ka humbur kontaktet me familjen prej dy ditësh.
Babai i tij, Agim Bibaj, ka denoncuar humbjen e djalit, i cili u nis në mëngjes për në shkollë, por nuk ka hyrë në mësim dhe është larguar pa njoftuar asnjë person.
Për momentin, familja dhe autoritetet janë të alarmuara, pasi 15-vjeçari nuk është kthyer në shtëpi që nga ai moment. Agim Bibaj tregon se pas një sherri me djalin, i kishte tërhequr vëmendjen për sjellje të keqe, gjë që e kishte shqetësuar të birin dhe mund të ketë qenë shkaku i largimit. Sipas tij, djali kishte përmendur përpara shokëve se do të largohej.
Pas denoncimit të bërë në policinë e Shkodrës më 11 nëntor, forcat e rendit janë angazhuar intensivisht për të gjetur të rinjtë dhe zbardhur arsyet e largimit të tij. Agim Bibaj ka bërë një apel publiku për ata që mund të kenë parë të birin të lajmërohen menjëherë dhe ka kërkuar gjithashtu që 15-vjeçari të kthehet në shtëpi, pasi e presin me padurim nënën, vëllezërit dhe motrën.
Agim Bibaj:
Djali më ka humbur dje. Është nisur për në shkollë por nuk ka hyrë në godinë. Kur jam kthyer nga puna më tha nusja që është larguar, denoncova në polici por ende nuk kemi gjetur asgjë. I ka thënë shokëve të tij se kam frikë nga babai se ka bëra disa sherre dhe unë i kam bërtitur. I ka thënë shokëve që dua të iki në Tiranë. Dua që im bir të më kthehet në shtëpi. Dua që im bir të më kthehet në shtëpi kushdo që ta shohë të na njoftojë. I bëj thirrje edhe djalit të kthehet tek ne prindërit, ka dhe dy vëllezër dhe motrën që e kërkojnë dhe qajnë për të”, ka rrëfyer ai mes lotësh.
