Kishte ftuar 212 pedagogë të drejtësisë, por në linjë ju shfaq vetëm një.
Vasilika Hysi nuk mundi të mbledhë mendimet e profesorëve të drejtësisë për ndryshimet kushtetuese që propozon opozita.
Vasilika Hysi: Njoftimin jua kemi nisur personalisht dhe dekanëve, edhe pedagogëve të universiteteve.
Murrizi: Më vjen keq për neglizhencën.
Ishte një mos përfillje ndaj Kuvendit, apo ndaj opozitës parlamentare? Kjo s’mund të thuhet me saktësi.
Murrizi: Ne si propozues nuk jemi nga ata që në 30 vjet kanë përfituar nga pushteti. Nuk ka të bëjë me asnjë nga 28 ne firmëtarët, nëse do jemi ose jo më në parlament. Desha ta zhvesh veten nga konflikti i interesit.
E vetmja e pranishme, ishte Ardita Buna, pedagoge juridiku në një universitet privat në kryeqytet.
Ajo sugjeroi konsensus maksimal për ndryshimin e Kushtetutës, dhe një prag më të ulët se sa 5% që kërkon opozita parlamentare.
Ardita Buna ishte ideale të miratohej me 140 vota në parlament, të ketë konsensus të gjithëpranuara. Listat të mos jenë monopol i kryetarit të partisë. Të ketë kombinim mes listës së partisë, dhe listës së kandidatëve preferenciale.
“5 % përjashton cdo brez të ri që mund të krijojë parti të re. Edhe 3.5 % ishte mirë”
Një tentativë e fundit, për të futur në linjë, pedagogen e Durrësit, Ana Dhamo, ish kandidate e PS-së për deputete, dështoi…..
Hysi: Universiteti i Durrësit njofton se pedagogia e ka të pamundur të hyjë, ka një problem me lidhjen, mbyllim mbledhjen./abcnews.al
