KAPSHTICË
Edhe pse situata në pikën doganore Kapshticë nuk ishte aq kritike sa në Kakavijë, gjendja në këtë pikë kufitare ka nisur që të normalizohet.
Për momentin, në doganën e Kapshticës nuk ka asnjë makinë në radhë dhe kalimet bëhen në mënyrë normale. Në Kapshticë, në kohën e krizës së refugjatëve në kufi, radha e automjeteve shkoi deri në 3.5 kilometër.
Edhe këtu janë shënuar tensione. Kjo sepse pala greke për disa çaste ka ndërprerë punën, kurse shoferët që ishin në radhë iu kanë rënë borive të makinave.
Edhe pse pala greke kishte deklaruar se në Kapshticë nuk do të kalojnë më shumë se 300 makina në natë, ky limit u hoq dje, në mënyrë që të kalonin të gjitha automjetet që ishin në radhë.
Policia ka vendosur post-blloqe në fshatrat kufitarë, me qëllim që të mos kalohet kufiri nga ata persona, që nuk kanë dalë negativ në testin e Covid-19, në mënyrë të certifikuar.
Ndërkohë që nga dita e sotme, udhëtarët që duan të kalojnë drejt Kapshticës, duhet të kenë me vete përgjigjen negative të testit, si dhe të kenë plotësuar më parë formularin e posaçëm.
Gjithashtu, edhe hyrja në territorin grek nuk ka zgjidhur gjithçka. Kjo, sepse udhëtarët do të duhet të vetë-akarantinohen për 1 javë në shtetin e Greqisë.
