Ashtu edhe siç dihet tashmë, data 13 maj është vendosur si afati i fundit për regjistrimin në Komisionin Qendror të Zgjedhjeve të kandidatëve për kryetar bashkie.
KQZ është duke u përgatitur seriozisht për zgjedhjet e 30 qeshorit ndërkohë që deri më tani ka qenë vetëm Partia Socialiste ajo që ka zyrtarizuar kanidatët e sak për 60 bashki, ndërsa i fundit pritet të vendoset ditën e sotme.
Bashkia e vetme e pambuluar nga ana e Partisë Socialiste është ajo e Peqinit dhe kjo është shtyrë për shkak të disa pikëpyetje qe ekzistonin, megjithatë pritet që të merret vendimi pa përfunduar dita e sotme, ndryshe Peqini mbetet pa kandidat.
Deri më tani nga opozita joparlamentare nuk ka asnjë shenjë se do të futet në zgjedhje pasi ende nuk kanë regjistruar asnjë kandidat, ndërkohë që kanë premtuar se pa pjesëmarrjen e tyre nuk do të ketë zgjedhje. Nuk dihet se çfarë mund të ndodhë deri në 30 qershor, megjithatë deri më tani opozita është duke bërë “luftën” e saj me protesta dhe ende është e paqartë se çfarë do të ndodhë me zgjedhjet.
