Përfaqësues të Partisë Socialiste kanë propozuar 11 majin 2025 si datën e zgjedhjeve, një propozim i bërë nga Blendi Klosi dhe Niko Peleshi, pas një takimi me presidentin Bajram Begaj.
Në programin e presidentit Begaj për sot ishte parashikuar edhe një takim me përfaqësues të Partisë Demokratike, por kreu i Grupit Parlamentar të PD, Gazment Bardhi, kishte njoftuar disa ditë më parë se do ta refuzonte këtë mundësi për konsultime.
Sot, presidenti pritet të takojë edhe kreun e Komisionit Qendror të Zgjedhjeve, Ilirjan Celibashin.
Më 21 nëntor, presidenti Begaj zhvilloi një takim me përfaqësues të Partisë së Lirisë, të cilët kërkuan që ai të dekretojë çdo datë për zgjedhjet që lejon Kodi Zgjedhor, përveç atyre që propozon PS.
Po ashtu, ai ka takuar edhe liderët e partive të tjera opozitare më të vogla, të cilët kërkuan që zgjedhjet të zhvillohen më 4 maj.
