Ditën e sotme u mbajtën zgjedhjet elektorale në Gjermani deh fill pas përfundimit të zgjedhjeve kanë dalë Exit-Pollet e para të cilat parashikonin një rezultat të ngushtë mes CDU/CSU të cilët ishin shumë pak vota para dhe Social-Demokratëve. Por duket se nga publikimet e sondazheve të fundit rezultati është përmbysur pasi Social-Demokratët e qendrës së majtë janë përpara bllokut konservator CDU / CSU me rreth 1%.
Gara është shumë e ngushtë dhe mundësitë për koalicione janë ende të mjegullta.
Rezultatet e para të parashikuara janë për zgjedhjet federale të Gjermanisë në vitin 2021, me Social Demokratët e qendrës së majtë (SPD) me 25.7%, pak përpara Kristian Demokratëve të qendrës së djathtë dhe partisë së tyre simotër bavareze (CDU / CSU) me 24.5%. Ndër të tjera blloku konservator dhe SPD kanë thënë se duan të udhëheqin qeverinë e ardhshme.
Po ashtu me rezultate të mira dhe në rrugën e duhur janë edhe të Gjelbrit ambientalistë janë në rrugën e duhur, duke arritur rreth 14% të votave. Demokratët e Lirë (FDP) pro-biznesit 11.5%, ndërsa Alternativa e së djathtës ekstreme për Gjermaninë (AfD) 10.5%. Partia Socialiste e Majtë po lëvizte rreth 5%.
Pas dorëheqjes së Angela Merkel, blloku konservator ka pësuar humbje të mëdha, këtë e ka pranuar edhe vetë garuesi i ri politik. Në zgjedhjet e kaluara ata patën një rënie me 8% ndërsa këtë vit po shkojnë drejt rezultatit më të dobët të regjistruar që nga Lufta e Dytë Botërore.
