Edhe pse Kryeministri Edi Rama i është përgjigjur ftesës së presidentit Ilir Meta për tu konsultuar për datën e zgjedhjeve të parakohshme në 6 bashkitë pa kryetar, ai ka “shmangur” takimin me Ilir Metën dhe për këtë arsye mësohet se në orën 12:30 kryetari i Grupit Parlamentar të Partisë Socialiste, Taulant Balla do të jetë në institucionin e Presidencës në kuadër të konsultimeve me Presidentin për caktimin e datës së zgjedhjeve të pjesshme vendore.
Pra në vend të tij kreu i qeverisë ka dërguar kryetarin e Grupit Parlamentar Tazulant Balla duke mos dashur një përballje me vetë presidentin.
Ndërkohë nga ana tjetër nuk dihet se cili është ftuar nga PD-ja pasi Gazment Bardhit ka konfirmuar se deri tani nuk i ka mbërritur asnjë shkresë nga Presidenca.
Në këtë takim konsultiv, palët duhet të vendosin së bashku mbi datën e mbajtjes së këtyre zgjedhjeve. Kujtojmë se presidenti Meta ka deklaruar se pa kryetarë janë 6 bashki, konkretisht Vora, Dibra, Shkodra, Lushnja, Rrogozhina dhe Durrësi. Ndërkohë që KQZ thotë se nuk ka asnjë informacion se Lushnja, Rrogozhina dhe Durrësi janë pa kryetarë.
Kujtojmë se presidenti Meta ka deklaruar se pa kryetarë janë 6 bashki, konkretisht Vora, Dibra, Shkodra, Lushnja, Rrogozhina dhe Durrësi. Ndërkohë që KQZ thotë se nuk ka asnjë informacion se Lushnja, Rrogozhina dhe Durrësi janë pa kryetarë.
