Ditën e sotme po zhvillohen zgjedhjet lokale, ku zgjidhen drejtuesit e pushtetit vendor për 4 vitet e ardhshme. 23.20% është pjesëmarrja e qytetarëve në zgjedhjet lokale të kësaj të diele deri në orën 13:00, shifër kjo në rang vendi.
Pjesëmarrja e votuesve në Tiranë sipas KQZ deri në këtë orë është 24.57%. Deri në orën 12:00 pjesëmarrja sipas KQZ-së ishte 18.94%. Pra, kanë votuar 365191, nga 1927666 zgjedhës në listën e QV-ve të raportuara.
Deri në orën 11:00 pjesëmarrja sipas KQZ-së ishte 13.59%.
Deri në orën 10:00 pjesëmarrja sipas KQZ-së ishte 8.08% në rang vendi.
Bashkitë që kanë pjesëmarrjen më të lartë në raport me numrin e votuesve janë Kukësi, Devolli, Selenica, Roskoveci, Tropoja, Kolonja, Skrapari, Puka, Libohova dhe Fushë Arrëzi.
Ajo që vihet re është se në bashkitë e vogla dhe pa ndonjë peshë të madhe elektorale ka një pjesëmarrje më të madhe të qytetarëve.
Në orët e para të procesit të votimit kishte një sërë vonesash, për shkak të pajisjeve PEI, apo në disa zona për shkak të mungesës së komisionerëve.
Në garë për këto poste zyrtarisht janë 145 kandidatë për kryetarë dhe 23,646 kandidatë për këshilltarë.Sipas listave zyrtare, në këto zgjedhje rreth 3.65 milionë shqiptarë janë ftuar të hedhin votën, por burime të rezervuara pohuan se një census pilot që ushtroi INSTAT vitin e kaluar verifikoi se popullsia banuese në vend nuk është më shumë se 2.4 milionë banorë.
