Sali Berisha i ftuar në “abc news” ka folur për zgjedhjet e 30 qershorit, ku ndër të tjera ai ka theksuar se këto zgjedhje nuk do të mbahen.
Ish-kryeministri Sali Berisha është i bindur se përpara kësaj date Edi Rama nuk do të jetë më në pushtet.
“PD-ja është një betejë për jetë a vdekje me armikun më të egër të kushtetutës, ligjit që është Edi Rama. PD-ja është përpara kësaj alternative, fitore ose vdekje.
Unë besoj se opozita sot që ndihet shumicë do t’i tregojë vendin këtyre që sillen si gangsterë të vërtetë dhe do t’u kthejë shqiptarëve të drejtën e votës. Kjo përballje është opozita ka popullin, fuqinë e tyre ata kanë fuqinë e drogës dhe krimit,” – theksoi Berisha.
Berisha paralajmëroi se vendi po shkon drejt një përplasje, nëse nga qeveria nuk do të ketë një tërheqje.
“Vendi po shkon drejt një përplasje, për rikthimin e votës së lirë ia vlen çdo veprim, që kur kombet kanë sakrifikuar për të, kanë fituar. Fasadë nuk mund të jetë,” – theksoi Berisha
