Faqet e internetit të të paktën tre partive politike në Holandë u sulmuan të enjten, ndërsa votuesit holandezë votuan në zgjedhjet evropiane. Një grup hakerësh pro-Kremlinit mori përgjegjësinë për këto sulme.
Partitë Aleanca Kristian Demokratike (CDA), Partia për Liri (PVV), dhe Forumi për Demokraci (FvD) raportuan se faqet e tyre të internetit ishin sulmuar. Grupi HackNeT, i lidhur me Moskën, tha në kanalin e tij Telegram se kishte sulmuar gjithashtu Partinë Politike të Reformuar Holandeze (SGP) dhe Gjykatën Evropiane të Auditorëve (ECA). Faqja e internetit e Gjykatës Evropiane të Audituesve ishte jashtë funksionit të enjten pasdite.
“Ne konfirmojmë se që nga mëngjesi i sotëm, ne po përjetojmë një sulm kibernetik (DDoS) që e ka bërë faqen tonë të internetit jo funksionale. Ne po punojmë për të zgjidhur këtë problem. Ndërkohë, shërbimet e tjera mbeten të paprekura dhe ne vazhdojmë të punojmë normalisht,” tha një zëdhënës i gjykatës.
