Presidenti Ilir Meta, I ftuar gjatë mbrëmjes së sotme në një emision televiziv, përballë një paneli gazetarësh, foli për disa çështje të rëndësishme të aktualitetit politik dhe jo vetëm.
Më emisionin “Çim Peka Live” presidenti Meta ka folur për rolin e tij si President dhe ndikimin që ka kryeminstri i vendit Edi Rama në vazhdimësinë e postit të tij.
Meta ndër të tjera deklaroi se vendi është kapur nga maxhoranca, por kjo qeveri do e marrë përgjigjen në 25 prill 2021.
Sa i përket pyetjes nëse do të dorëhiqet nga posti i tij nëse nuk ka rotacion politik në 25 prill, Meta iu shmang pyetjes duke iu përgjigjur sërish me pyetje gazetarit Arjan Çani, taktikë kjo e njohur e politikanëve kur zihen ngushtë.
Gazetari Arjan Çani e pyeti presidentin Meta se a do të jepte dorëheqjen nëse Rama do të fitojë sërish zgjedhjet në 25 prill.
Meta i është shmangur pyetjes duke u shprehur se popullit vazhdojnë t’i shtohen hallet, dhe se presidenti nuk do të pushojë për asnjë sekondë.
Ndërsa pjesës që do ndikojnë apo jo zgjedhjet 25 prillit në qëndrimin e tij si President, Meta nuk i është përgjigjur fare, por e ka tejkaluar.
Kujtpojmë se pak ditë më parë presidenti Meta deklaroi se do të organizojë një protest më 20 shkurt dhe atëherë do të jetë dita e fundit për qeverinë Rama, duke lënë të nënkuptohet se kërkon përmbysje e qeverisë para zgjedhjeve.
Pjesë nga debati:
Çani: Do isha kurioz të dija, se po të dëgjosh presidentin të krijohet idea se jetojmë në një vend normal demokratik. Unë mendoj që nuk kemi ndonjë dallim nga afrikanët përveç ngjyrës së lëkurës.
Kur ka në plan të ndryshojë analizën e tij ndaj problemevet të mëdha që ka vendi? Ai flet sikur jemi në një vend normal, por nuk jemi.
Mendoni që jeni njeriu i parë në këtë vend që të krijoni një model ndryshe, se po vazhduat të flisni kështu populli do mendojë që ne kemi vetëm diagnozën, por si do zgjidhet kjo gjë?
Meta: Kam përshtypjen që jeni të zhgënjyer nga toni im i qetë. Unë kam thënë si president të shkojmë në zgjedhje të parakohshme.
Këtu ka krizë legjitimiteti, sigurisht që nuk jetojmë në një vend normal e 100% demokratik. Shumë institucione janë kapur. Modeli im ka qenë i qartë. Jam presidenti, do mbështes kushtetutën.
Çani: Jeni vetëm…
Meta: Asnjëherë s’e kam ndjerë veten vetëm, e patë në 2 mars. Dhe po të isha vetëm do e vazhdoja këtë betejë.
Çani: A do e jepni dorëheqjen nëse në 26 prill do jetë prapë ky regjim?
Meta: O Çani ju nuk keni besim fare te populli shqiptar. Populli ka kaluar shumë beteja dhe sfida të rëndësishme, do e kalojë dhe këtë.
Abilekaj: Vitin tjetër me shumë shpresë do ndërtohet tërësisht Gjykata Kushtetuese.
Nëpërmjet Gjykatës Kushtetuese me 9 anëtarë mund të dalë dhe presidenti jashtë loje, pasi një dekret i juaji do dërgohet në Gjykatën Kushtetuese dhe mund të rrrëzohet.
Meta: Ne vitin tjetër kemi një problem kryesor. Çdo gjë lidhet me 25 prillin tani e në të ardhmen. Për të gjitha institucionet. Parlamenti i ardhshëm jam i bindur që do të ketë legjitimitetin e plotë për çdo çështje. Gjithmonë në respekt të 140 votave./Gazetareforma.com/
