Komisioni Qendror i Zgjedhjeve ka përgatitur tre skenarë për implementimin e votimit elektronik në zgjedhjet parlamentare të 11 majit.
KQZ do t’u paraqesë këto skenarë për të nisur negociatat me partitë politike mbi mënyrën e zbatimit të procesit elektronik.
Në fillim, KQZ kishte propozuar të zbatonte votimin dhe numërimin elektronik në të gjithë qarkun e Tiranës dhe Durrësit, por ky variant është hedhur poshtë.
Tre skenarët e mundshëm për votimin elektronik janë si më poshtë:
Skenari 1: Votim elektronik në Tiranë, në njësitë administrative nr. 1, nr. 3, nr. 5, nr. 8, nr. 9, nr. 10, si dhe në njësitë Bërxull, Prezë dhe Bashkinë Vorë.
Skenari 2: Votim elektronik në Tiranë, në njësitë administrative nr. 2, nr. 3, nr. 5, nr. 9, Bërxull, Prezë dhe në Bashkinë Vorë.
Skenari 3: Votim dhe numërim elektronik në Tiranë, në njësitë administrative nr. 5 dhe nr. 10, Bërxull, Prezë, në Bashkinë Vorë, si dhe në rajonet 1, 2, 3, 4, 5 në Durrës.
