Ndërsa procesi i numërimit po shkon drejt fundit, janë publikuar të dhënat paraprake për 10 kandidatët më të votuar nga listat e hapura në zgjedhjet e 11 majit.
Në krye renditet Blendi Gonxhja, kandidat i PS në qarkun Tiranë, me 19,402 vota të preferencës.
Pas tij vjen Sara Mila në Elbasan me 18,626 vota, e ndjekur nga Arkend Balla në Durrës, me 18,439 vota të tre nga Partia Socialiste.
Lista dominohet nga emra të kësaj force politike, ndërsa në mesin e dhjetë më të votuarve janë edhe dy kandidatë të Partisë Demokratike, Jorida Tabaku dhe Ilir Alimehmeti, të dy nga Tirana.
Megjithëse Alimehmeti ka grumbulluar 12,685 vota, ai nuk rezulton fitues i mandatit një fakt që ka ngjallur debat për mënyrën e shpërndarjes së mandateve.
