Politikania e opozitës në Bjellorusi Svetlana Tikhanouskaya ka udhëtuar në Lituani, nga shteti i saj bjellorus dhe kjo gjë është e sigurt.
Kështu ka deklaruar ministri i Jashtëm i Lituanisë, Linas Linkevicius, në një postim në rrjetet sociale. Tikhanouskaya doli si rivalja kryesore e Alexander Lukashenko në zgjedhjet presidenciale të së dielës.
Ekipi i saj nuk ishte në gjendje të kontaktonte me të në telefon të hënën, pasi ajo u largua nga ndërtesa e komisionit zgjedhor.
Më herët ajo u tha gazetarëve se jo Lukashenka por ajo i ka fituar zgjedhjet.
Gjatë trazirave në Minsk dhe qyteteve të tjera në Bjellorusi të zhvilluara nga opozita, së paku 1 person u vra, dhjetëra janë plagosur dhe më shumë se 100 protestues janë arrestuar, mbrëmë dhe sot në mëngjes.
Forcat e sigurisë u përleshën me mbështetësit e opozitës, të cilët nuk i njohin rezultatet e zgjedhjeve, që u fituan bindshëm nga presidenti aktual, Alyaksandr Lukashenka. Svyatlana Tsikhanouskaya, tha në një konferencë për media se ajo nuk i njeh rezultatet.
Ajo ka vendosur të garojë në zgjedhje, ndërsa bashkëshorti i saj ishte arrestuar dhe ishte ndaluarntë garojë në fillim të vitit. Autoritetet shtetërore e kanë akuzuar burrin e Tikhanovskayas, Syarhey Tsikhanouski, për bashkëpunim me mercenarët rusë, për të shkaktuar trazira përpara zgjedhjeve. Tikhanovskaya tha se akuzat nuk janë të vërteta.
Presidentja e Komisionit Evropian Ursula van der Leyen ka dënuar dhunën kundër protestuesve në qytetet bjelloruse. Lukashenko është në krye të Bjellorusisë për një kohë shumë të gjatë, që nga 1994.
