Sot Partia Demokratike bën zgjedhje në Qarkun e Tiranës. Anëtarësia ka nisur votimin për 140 emrat në listat e PD-së në Tiranë, Kamëz, Vorë, Kavajë dhe Rrogozhinë. Anëtarësia e PD në Tiranë përdor votën kontestuese për emrin që nuk e do në listën finale të kandidatëve në zgjedhje. Në listë mungojnë emrat e drejtuesve të partisë si Berisha, Basha, Nishani etj, pasi futen në lista ve vendim të kryesisë e cila ka në dorë kuotën 20% të listës.
Ndërkaq, Flamur Nokës i cili u largua nga Kukësi po kandidon në Tiranë. Disa nga emrat e përfshirë janë të botës së sportit dhe botës së artit. Kështu, në listë shhihet aktori Julian Deda apo regjisori Robert Budina, nga fusha e sportit Andi Lila, Gentina Muça, Artan Pogoni dhe Klodiana Shala. Gjithashtu në listë është edhe ish-drejtori i policie si Erzen Breçani, po ashtu Ahmet Prençi dhe Emri Vata.
Biznesmeni Agron Shehaj ikën nga Vlora dhe kandidon në Tiranë, ndërsa rikthehet ish deputetit të PD-së, Aleksandër Biberaj. Në listë ëshhtë edhe Zak Topuzi nga Shoqata e Turizmit, Gazmend Dibra ish-drejtori i Përgjithshëm i Burgjeve, mjeku Halim Kosova dhe Ylber Vata, mjek Kirurg tek “Shefqet Ndroqi” si dhe ish -kryebashkiakët e Vorës, Fiqiri Ismaili dhe ai i Kamzës, Xhelal Mziu.
Basha ka futur në listë për deputet në Tiranë edhe një prej mjekëve të “21 janarit”. Bëhet fjalë për mjekun Sami Koçeku, i cili manipulua të vërtetën për të fshehur vrasësit e vërtetë të protestuesve të pafajshëm të opozitës në bulevard.
Koçeku bashkë me kolegun tjetër Gega, dhanë versionin e “vrasjes së tyre nga afër”, duke lënë të nënkuptuar se ishte fjala për një komplot nga opozita.
