Mbeëmjen e sotme në emisionin “oOpinion” Kreu i grupit parlamentar të PS-së, Taulant Balla pohoi se do të paraqitej vetëm një emër për postin e presidentit dhe do të shoqërohet nga 74 firmat e deputetëve të PS.
Balla theksoi se presidenti i ri nuk do të ishte një prej politikanëve aktivë dhe se do të ishte e kundërta e Metës. Ndërsa sqaroi se të nesërmen në orën 17:00 do të bëhej mbledhja e grupit parlamentar të PS ku do të vendosej përfundimisht për të propozuar emrin e kandidatit për president dhe më pas të shtunën do të dorëzohet para afatit të paracaktuar në Kuvend.
“Ka pasur diskutime mes një rrethi edhe më të vogël përsa i perket emrave për president. Kemi bërë konsultime brenda kryesisë së PS-së, ku është bërë një proces me emra. Nga ai proces ka dalë një listë. Nesër nga ajo listë do të dalin emrat që do propozohen. Dy presidentët e fundit kanë qenë të ardhur nga politika. Ajo që e thashë sot dhe të them të drejtën, presidenti më i vlerësuar në 30 vitet e fundit, Moisiu përmendi se Nishani edhe pse kishte ardhur nga politika tha se gjithmonë e kishte respektuar kushtetutën.
Ai që do jetë, do të jetë tërësisht i kundërt e asaj që ka qenë Ilir Meta. Ne e kemi thënë që në ditën e parë që nuk do donim të kishim një politikan aktiv. Kjo ka qenë një prej tezave me të cilat donim të uleshim në negociata me opozitën. Në seancë do të shkojë një kandidaturë që do propozohet me firmat e deputetëve”– u shpreh Balla.
