Portugalia ka zgjatur gjendjen e jashtëzakonshme të vendosur për shkak të COVID-19 me dy javë të tjera, deri më 16 mars, pas miratimit nga parlamenti.
Presidenti Marcelo Rebelo de Sousa e kërkoi zgjatjen pas diskutimit me qeverinë.
Zgjatja vjen pavarësisht një përmirësimi të dukshëm në numrin e rasteve gjatë javëve të fundit.
“Sidoqoftë, koha për lehtësim nuk ka ardhur ende”, theksoi ministri i Brendshëm Eduardo Cabrita përpara votimit.
Një shtetrrethim i rreptë dhe kufizime të tjera zbatohen nën gjendjen aktuale të jashtëzakonshme, niveli i dyt më i lartë i mundshëm.
Këto masa duket se ndihmojnë, pasi shifrat kanë rënë në mënyrë të qëndrueshme në katër javët e fundit.
Ndërkohë e kundërta po ndodh në Zvicër. Zvicra së shpejti i jep fund karantinës dhe masave shtënguese. Sipas autoriteteve zviceriane mendohet se prej datës 1 mars do të hapen të gjitha shkollat, universitetet dhe muzetë.
Po ashtu, autoritetet kanë vendosur që takimet me familjen dhe miqtë në ambiente të hapura siç janë aktivitetet sportive dhe kulturore (pa kontakte fizike), përsëri lejohen me deri në 15 persona.
Kujtojmë se gjithë bota momentalisht po përjeton valën e tretë të virusit dhe në shumë shtete gjendja paraqitet e renduar. Italia dhe Greqia janë ndër shtetet më të prekura sëfundmi, të cilat i kanë ende në fuqi masat kufizuese.
