Që prej ditës së sotme, drejtori i ri i Përgjithshëm i Tatimeve do të jetë Ceno Klosi.
Kujtojmë që Ceno Klosi ka mbajtur më përpara pozicionin si drejtor i të Agjencisë Kombëtare të Ujësjellës Kanalizimeve dhe Infrastrukturës së Mbetjeve(AKUM-it). Vendimi për emërimin e Klosit në krye të Tatimeve u mor në mbledhjen e djeshme të Qeverisë.
Emërimi i Klosit vjen pasi Delina Ibrahimaj u zgjodh në krye të ministrisë së Financave dhe Ekonomisë. Ai u propozua për të drejtuar institucionin nga paraardhësja në krye të Drejtorisë së Tatimeve, aktualisht ministre e Ekonomisë dhe Financave – Delina Ibrahimaj, e cila mori postin e ministres në muaji shtator. Delina Ibrahimaj prej vitit 2019 ka mbajtur detyrën e drejtoreshës së tatimeve.
Në pozicionin si ministre e Financave dhe Ekonomisë, ajo pason Anila Denaj.
VENDIM PER EMËRIMIN E DREJTORIT TË PËRGJITHSHËM TË TATIMEVE:
Në mbështetje të nenit 100 të Kushtetutës dhe të pikës 2, të nenit 17, të ligjit nr.9920, datë 19.5.2008, “Për procedurat tatimore në Republikën e Shqipërisë”, të ndryshuar, me propozimin e ministrit të Financave dhe Ekonomisë, Këshilli i Ministrave
V E N D O S I:
- Ceno Klosi emërohet në detyrën e drejtorit të Përgjithshëm të Tatimeve.
Ngarkohen Ministria e Financave dhe Ekonomisë dhe Drejtoria e Përgjithshme e Tatimeve për zbatimin e këtij vendimi.
