Detaje të reja kanë dalë në dritë lidhur me skemën e korupsionit që Gjykatën e Krujës, që çoi nëarrestimin e disa personave. Sipas Top Channel në skemë ishin të përfshirë 20 punonjës të burgjeve, ndër ta edhe shefa të sigurisë së brendshme. Po ashtu të përfshirë ishin edhe sociologë, psikologë e drejtorë të burgjeve të Peqinit dhe Fushë Krujës. Të gjithë këta kanë dhënë kontributin e tyre që nga viti 2014 deri në 2019-ën për të përmirësuar të dhënat e të dënuarave Endrit Dokle dhe Genc Tafili. Top Channel thotë se disponon dokumenta ku personat e përfshirë kanë firmosur raporte vlerësimi në bazë të të cilave gjyqtarja Enkeleida Hoxha vendosi lirimin e të burgosurve në fjalë me kusht.
Në këto dokumente zbardhet skema se si disa të burgosur, disa të dënuar edhe për krime të rënda, vlerësohen maksimalisht duke i konsideruar si persona të sjellshëm dhe të balancuar. Drejtorët e burgeve ku mbaheshin Dokle dhe Tafili, Eugert Salla, Dashamir Mustafaraj, Astrir Baku, Emiliano Zeffi, më anë të varëtsve të tyre miratuan raportet e të dënuarave problematike duke thënë se këta kishin pasur sjellje shembullore. Më pas këto dokumente iu bashkalidhën dosjes për të kërkuar liri.
Janë 19 shkresa për 2 të dënuar ku rezulton se administrata e burgjeve i konsideron dy personazhet e botës së krimit, konkretisht Doklen pa rrezikshmëri, ndonëse ai gjatë paraburgimit u dënua dhe për drogë. Nga ana tjetër, Genc Tafili vlerësohet me notë maksimale për sjelljen me të burgosurit e tjerë dhe me kujdes për higjienën vetjake. Dy të dënuarit vlerësohen si korrektë dhe pozitivë në komunikim, ndjekin sportin dhe kulturën në raportin e firmosur nga stafi. Stafi i burgjeve shkruan në rubriën “rrezikshmëria” se i burgosuri Genc Tafili nuk paraqet rrezikshmëri ndaj vetes. Tafili madje vlerësohet i qëndrueshëm, i përgjegjshëm dhe si një person që kryen detyrat e caktuara.
